’A caserma nunn è na scola!

da | Gen 30, 2021 | Cultura&Spettacolo

Cu stu reality ’a Rai s’è gghiuta a ’mpantanà int’a nu terreno periculuso e sciuliùso

 

Dopp’ ’a riuscita d’ ’O Culleggio, ’e ccape d’ovo ’e Rai 2 penzajeno buono ’e cuntinuà cu nnu ‘reality’ addò guagliune/one d’ogge – rebbelle, venciute, casinare e ttecnologgiche – se truvassero a ppassà quacche semmana d’ ’a vita loro int’a nn’istituzzione autoritaria, addò nun ce stanno deritte ma sulo duvere e ll’ubbedienza è l’unneca vertù. Fin’a cché se trattava ’e nu culleggio, però, chist’esercizzio furzato â disceprìna puteva pure avé senzo, pecché – bene o male – serveva a ’mpararle a ccampà assieme e a studià seriamente. Mo però nun se tratta cchiù ’e fa’ pratteca d’ ’o rispetto d’ ’e rregule ’e na cummunetà, p’addiventà cchiù attiente ê prufessure e ssulidale c’ ’ o riesto d’ ’o gruppo. Cu ’A Caserma, ’mméce, ’a Rai s’è gghiuta a ’mpantanà int’a nu terreno periculuso e sciuliùso, assecunnanno ’a mal’abbiàta ’e nu militarìsemo che vvurria paré aggiurnato, ma resta sempe scurretto.

Nunn è ’a mo ca ’e fforz’armate – arredotte a esercito ’e mestiere – stanno pruvanno a sse reciclà, comm’a pplasteca, vrito e ccartone. Pe nna parte, cercano ’e s’appresentà comme si fossero cuorpe ’e prutezzione civile: brava gente che cce seccorre, ce ajuta, ce assiste e ce spallea int’ ’e sbenture. Pe nn’ata parte, s’appresentano c’ ’a faccia grunnosa d’ ’e militare, gente tosta, armosa e armata, desceprinata e ssenz’appaura. È ’a vecchia facenna d’ ’o giandarme bunariello e cchello feroce, comme si ppo’ l’esercito nun tenesse già nu scopo preciso pe ss’addestrà, che rrummane chello ’e fa’ guerra, ubbedenno a ll’ordene ’e chi cummanna, e ppure ’e na manera “pronta, rispettosa e lliale”, comme receta ll’art. 5 d’ ’o Regulamiento Militare.
’E 21 giuvene (mascule e ffemmene), ’a 18 a 23 anne, che vvulettero fa’ ’sta sperienza ’e recrutamiento vuluntario ’nfavore d’ ’e ttelecammere, se songo truvate a ccampà int’a nu munno strevuzo e pparallelo, addò ce sta poco ’a pazzià e nnun serve fa’ squarciunarìe e bbuffunarie, pecché – comme subbeto ll’ave spiecato ’nu superiore – ce sta una cosa ’a se ’mparà pe nnu’ ppassà guaje: ubbedì, senza se e ssenza ma. Pure si chistu ‘ddocu-reality’ ascette pe ttelevisione int’a Jurnata d’ ’a Memmoria, me pare ca chi pruducette ’stu prugramma s’è scurdato ’e chello ch’è ssempre succiesso quanno migliare ’e surdate aveno sulo ‘ubbedito’ a ll’ordene date ’a generale cunvinte ca – comme cantava De Gregori – “’a guerra è bella, pure si fa mmale”.

Int’a ll’anne ’60 don Milani ’mparava ê guagliune/one d’ ’a Scola ’e Barbiana ca “l’ubbedienza nunn è cchiù na vertù, ma ’a cchiù trappuliera d’ ’e ttentazziune”. Doppo 55 anne, ’a televisione pubbleca taliana, nu’ ssulo s’è scurdata ’e parecchie migliare ’e giuvene che ppe’ ddecenne facettero obbiezzione pe ccuscienza, faticanno c’ ’o servizzio civile, ma ’mmece ce vo’ apparicchià n’ata vota ’a piatanza nizza e ffràceca d’ ’a desciprina militare che fforma ’o carattere, scarfannola dint’ô microonde ’e nu spettaculo e ’ntrattenemiento. “’A Caserma purtarrà ’a Generazzione Z a s’ammesurà cu pprove, sfide e esercitazziune […] Chi ’e lloro ce ’a farrà a rresistere, cunfruntannose cu ll’autorità e ’a disceprima, superanno ’e lìmmete suoje, fisiche e mmentale e ccredenno int’a isso stesso e int’ ’o gruppo?”. Accussì ce conta ’a vecchia retorica d’ ’o spot che pubblecizza ’stu prugramma…
Comme si nu/na guaglione/ona ’e chesta generazzione nun tenesse ggià nu cuofeno ’e prubbleme ’a resorvere e nu sacco ’e sfide, perzunale e ssuciale, ’a superà. Comme si correre miez’annude a pprimma matina p’ ’o curtile d’ ’a caserma, cumpletà sverdamente nu percurzo ’e guerra o s’arrampecà ’ncopp’a na muntagna servesse overamente p’addiventà femmene e uommene cchiù mmeglie, cchiù priparate e ccuraggiuse. ’A scola dopp’ ’o Covìdde, ’a fatica che nnun ce sta, na vita fameliare cumplicata, ’e ’nciarme d’ ’e ddroghe e d’ ’a malavita, na sucietà addò s’ha dda luttà pe nun se fa scamazzà: so’ tuttequante situazzione assaje cchiù difficultose c’a scalà nu muro o a ssistemà nu lietto sfatto int’a ppoche minute!
Sulo a Nnapule ce stanno 17 caserme operative e ancora vacante o stanno aspettanno ancora, comme ‘’a ‘Boscariello’ a Mmiano, d’essere cunvertite p’attività civile e ssuciale. Cu cchesta bella situazzione, però, c’è stato chi s’è ffidato ’e pruggettà ’e piazzà na ‘Scola ’e guerra europea’ affianco d’ ’a vecchia ‘Nunziatella’, comme si fossero cheste ’e ppriorità pe Nnapule. Tenimmo già surdate armate ’miezz’e vvie, camiunette e bblindate int’ ’e ppiazze, militare int’ê spitale e chille che ffanno pure lezzione dint’ ’e scole. E mmo ce avimm’ ’a surbettià pure ’e rreclute d’ ’a Caserma televisiva? Embé, quanno è ttropp’assaje è ttropp’assaje… Pirciò, a cchi ce vo’ ancora ’mpapucchià cu ’a sturiella d’ ’0 servizzio militare che sserve a educà ’e giuvene nuje rispunnimmo ’ncoro: “Signornò!”.

 

Musica, ecco “Niente è niente”

Musica, ecco “Niente è niente”

Il nuovo progetto musicale degli artisti partenopei Olga De Maio e Luca Lupoli che unisce pop e lirica Si chiama “Niente è niente” il nuovo progetto discografico del soprano Olga De Maio e del tenore Luca Lupoli, noti artisti lirici partenopei ed internazionali,...

San Ciro e l’«ex voto» di Pietro Gargano

San Ciro e l’«ex voto» di Pietro Gargano

Il retroscena del libro del noto giornalista-scrittore sul santo protettore degli ammalati “Ho avuto due infarti nel giro di nove mesi, e ogni volta dicevo ‘San Ciro, pensaci tu, patrono del paese’. Sto ancora qui, e allora ho scritto un libro sul millenario culto del...

Il Gran Concerto di Capodanno

Il Gran Concerto di Capodanno

Musica, canto, danza e spettacolari acrobazie circensi al Teatro delle Palme Il Gran Concerto di Capodanno: tra musica, canto, danza e spettacolari acrobazie circensi per festeggiare l’arrivo del nuovo anno in allegria e spensieratezza. Il primo gennaio 2022, alle ore...

L’album omaggio a Pino Daniele

L’album omaggio a Pino Daniele

Il nuovo disco strumentale del musicista napoletano Sergio Esposito dedicato al grande artista “In questo viaggio appassionato non è stato semplice individuare, tra le tante e diverse ‘perle’ del suo repertorio, quelle che meglio potessero adattarsi al nostro organico...

I grandi concerti delle festività

I grandi concerti delle festività

Due incredibili appuntamenti con la musica e il belcanto con gli artisti dell’associazione Noi per Napoli L’8 dicembre con la Festa dell’Immacolata si entra e si inizia a vivere, respirare l’atmosfera vera e propria del Natale e l’associazione culturale Noi per Napoli...

Alma Partenopea, sold out il concerto a Capo Posillipo

Alma Partenopea, sold out il concerto a Capo Posillipo

Grande successo ieri sera al ristorante Le Stanze a Capo Posillipo degli Alma Partenopea per un concerto sold out davanti a un pubblico entusiasta per la loro musica. La band composta da Gianni Guarracino alla chitarra, Andrea Carboni alle percussioni e Leo D’Angelo...

Perché fu eretta la torre di Palasciano

Perché fu eretta la torre di Palasciano

Tra misteri e leggende Bisogna cercarla con gli occhi, percorrendo la Tangenziale, dall’altezza di Corso Malta in poi e fino a poco prima dell’imbocco della galleria di Capodimonte. Si staglia sulla sinistra e svetta nel nugolo di costruzioni che l’hanno avviluppata...

EDITORIALE

L’arte di evadere le regole

di Alessandro Migliaccio

Quando nel 2010 ho pubblicato il mio secondo libro (anche se il primo era solo una raccolta di poesie giovanili) intitolato “Paradossopoli. Napoli e l’arte di evadere le regole”, nutrivo una ferma speranza che qualcosa sarebbe cambiato. Che i napoletani avrebbero, prima o poi, avuto uno sbalzo di dignità e che si sarebbero in qualche modo presi una rivincita nei confronti di quanti, troppo facilmente, puntano il dito contro di loro.

continua a leggere…

Calcio Femminile, Napoli-Sassuolo 0-1 intervista di mister Pistolesi

Fallo di mano di Chiellini ma per Sky non è niente

Troisi: Penso in Napoletano, sogno in Napoletano

Seguici su Facebook

Facebook Pagelike Widget
badando a te