Pe nnu’ pperdere ‘a lengua nosta

da | Ott 17, 2020 | Cronaca

Nun se po’ ccredere. Doppo tant’anne ca parecchia gente se stanno attivanno, vuluntariamente, pe ffa’ apprezzà e ccanoscere cchiù mmeglio ’o Nnapulitano, a Nnapule ancora nun c’è stato nu recanoscimiento ufficiale d’ ’o deritto (si no d’ ’o duvere…) ’e ’mparà ê guagliune/one nuoste ’sta lengua antica e ggeniale. So’ ppassate dudece anne ’a quann’io – tanno prufessore ’e lettere â scola media ‘Sogliano’ â Vecarìa – precepiaje a ffà nu curzo ’e lengua napulitana che jette annanze pe dduje anne, cuncrudennose cu na manifestazione addò ’o M° Aurelio Fierro cunzignaje ’e diplome ê studiente ch’êvano participato. Fuje ’a primma vota ca se ’mparaje ’o Nnapulitano dint’a na scola pubbreca, ma purtroppo fuje pure ll’urdema, a pparte n’atu curzo che stess’io teniette – accummincianno ’a ll’anno 2014-15 – ô “Viale delle Acacie”, na scola media statale ’ncopp’ô Vommero. Quacche sperienziella s’è fatta int’a quacche scola d’ ’a Pruvincia ’e Napule, però curze regulare ’e lengua napulitana nun ce nne so’ state cchiù. Furtunatamente,’mmece, ’nfin’a mmo nun so’ mmancate curze ’nderizzate a ggente cchiù avanzata d’età, comme chille urganizzate ’a Nazzario Napoli Bruno (valente pueta e ttraduttore, che s’occupa specialmente ’e ll’ortografia napulitana); ’a Massimiliano Verde (che ttenette nu curzo ’e Napulitano â Casa Cummunale d’ ’a Cultura ’e Chianura), e ’a Davide Brandi (presidente ’e ll’Assuciazzione ‘Lazzari’, che ffa lezzione ô Palazzo Venezia, ô Museo ‘e Capemonte e a ll’Istituto Frangese ’e Napule). Int’a ’sta decina d’anne, comunque, quaccosa s’è mmuòppeto. ’Nce stanno assaje cchiù pperzone ’nteressate a ccapì parlà e scrivere ’o Nnapulitano, però è crisciuta pure ’a ggente che nu’ ccanosceno ’e pparole d’ ’a lengua loro, ’a parlano malamente e ’a scriveno peggio ancora. Sempe cchiù giuvene, po’, nu’ pparlano pe nniente ’o Nnapulitano o vanno mazzecanno na specie ’e ‘napulese’ scuncecato, scrivennolo ’e na manera ammarunata e scumbinata. ’O fatto ca s’ ausano assaje spisso fesbùk, tuittér e instagràmme, ha ’nvastarduto assaje na lengua che ssì s’aveva cagnà e mmudernizzà, però senz’addeventà na mescafrancésca ’e taliano, ’ngrese, dialetto e pparlesia giuvanilese, spisso rozza e scrianzata. Nisciuno se penzava ca ’e giuvene ’e mo avevan’ ’a parlà e scrivere comm’a Di Giacomo e Vviviani, però cantante rappér, film e sceneggiate gomorrìse e nu cuofeno ’e messaggine scritte a lla sanfrasò ’ncoppo’ê smartfònne stanno fernenno ’e sparafunnà ’sta povera lengua nosta. E ppure se so’ ffatte curze ’e Napulitano a ll’Unneverzetà argentina ’e Buenos Aires e se stanno facenno perzì all’Unneverzetà scuzzese ’e Glasgow. ’Nce stanno pizze web, pure for’a ll’Italia, ca prumetteno ’e ’mparà ’sta lengua online. ’Nce stanno perzone comm’ ’o texano Dale Erwin, che adderittura pubbrecaje nu dizziunario ’Ngrese-Napulitano e na grammateca d’ ’e vierbe napulitane. Ê curze e ll’ammico Davide Brandi participajeno tre conzule (’e Francia, ’e ll’Ucraina e d’ ’e State Aunite d’America) e mo, grazzie a isso, se studia ’0 Nnapulitano pure a ll’Istituto Grénoble a Chiaja. Eppure ogne juorno sponta na puteca che ttene ’a ’nzegna o quacche cartiello scritto napulitanamente, spisso assummanno nu cuofeno d’errore d’ortografia. ’O sceneggiato ’e Rai Fiction “Mare fuori” e primm’ancora ’a serie televisiva “L’amica geniale” hanno pruvato pure a sdoganà ’o Nnapulitano comme lengua letteraria e d’ ’o spettaculo, ma cu rresultate scarzulille e, urdemamente, recurrenno tropp’assaje a na parlata ‘gomorrese’. Pe ffurtuna – scrivette int’ô libbro sujo “Una lingua gentile” ’o prufessore De Blasi, ’e ll’Unneverzetà napulitana Federico II – nun ce sta cchiù na “dialettofobia” e ’a gente nun se mette scuorno ’e parlà napulitano. Però chillu ‘dialetto’ s’avarria ausà sulo “per una comunicazione affettiva e informale”, pecché “non è di fatto adeguato a fare fronte in modo funzionale e senza limitazioni geografiche a tutte le possibili situazioni comunicative (nelle interazioni scritte e parlate”.

’Nzomma – siconno ô prufessore De Blasi – putimmo parlà napulitanamente int’a “l’ambito familiare” e se po’ ffà pure “da chi ha interessi artistici, ma anche generiche /e talvolta prosaiche) urgenze comunicative, associate a forme d’impulsività o di espressività”. Scusate, ma ’sta visione nu pucurillo lombrosiana nu’ mme garbizza, pecché fernesce cu svalutà ’e sfuorze ’e chi sta faticanno – vuluntariamente e spisso ’a nu sacco ’e tiempo – pe rrestituì ’a degnità perduta ô Nnapulitano e pe ffa’ capì – primma ’e tutto stesso ê Napulitane – comme cu cchella lengua overamente se po’ pparlà e scrivere ’e tuttecose, facennolo però ’e na manera curretta e acconcia. Passaje cchiù ’e n’anno ’a quanno ’o Cunziglio Reggiunale d’ ’a Campania appruvaje na legge che avarrìa ’a “pruteggere e vvalorizzà ’o patremmonio lenguisteco napulitano” (L.R. 14/2019), ma sulo ô mese ’e luglio passato è stato annummenato ’o Cumitato tecnico-scientifico che avarrìa ’a prummovere inizziative cuncrete p’ascì a ’sta situazzione. Avev’ ’a essere nu stimmolo p’avvià percurze ’e furmazzione, però nun se nne sape niente ancora e stessa ’a cumposizzione d’ ’o cumitato (cu ddinto cinche prufessurune, ma nisciuno ’e chille che ffaticajeno fin’a mmo fora a ll’accademmia…) overamente nu’ ffa sperà na grossa rivoluzzione. Pe ttramente ce avinn’ ’a suppurtà campagne ’nNapulitano contr’ô Covìdde scritte accussì: «Lavte man’ ! fatt’ allà! A mascherin’!». Pover’a nnuje!

“Convivia. Il gusto degli antichi”,  la mostra al Lapis Museum

“Convivia. Il gusto degli antichi”, la mostra al Lapis Museum

Tra i reperti esposti, la bottiglia di olio d’oliva più antica del mondo, utensili, vasellame per la tavola e la cucina dalle Collezioni del MANN Utensili, vasellame e commestibili fossili tratti dalla Collezione dei Commestibili del MANN – tra cui la bottiglia di...

Il “ballo della rosa”, galà di beneficenza dei Lions

Il “ballo della rosa”, galà di beneficenza dei Lions

Ogni anno prende sempre più corpo e si sta imponendo come uno dei più riusciti eventi napoletani di beneficenza. E’ il “ballo della rosa”, il gran galà di solidarietà organizzato dai Lions Club International e dai Lions Club Capri con la sua presidente Rita Colazza,...

Piazza San Giacomo, denunciato 23enne “curioso”

Piazza San Giacomo, denunciato 23enne “curioso”

Per curiosità. È questo il motivo per il quale un 23enne incensurato di Villaricca ha colpito un Carabiniere. Siamo a Piazza San Giacomo ed è in corso la manifestazione in occasione della “giornata mondiale del rifugiato”. Un migliaio di persone sono partite da piazza...

Dall’Ape sociale alla pensione di vecchiaia

Dall’Ape sociale alla pensione di vecchiaia

Lo Studio Rubinacci-Molaro spiega come avviene la conversione e tempi e modi per presentare la domanda Negli ultimi mesi si sono recati presso il nostro studio diversi pensionati titolari del beneficio dell’Ape sociale, che al momento della maturazione del diritto...

Napoli, capitale della cultura del Mediterraneo

Napoli, capitale della cultura del Mediterraneo

Il Mediterraneo avrà a rotazione una capitale della cultura. Lo annuncia il ministro della cultura Franceschini con la dichiarazione conclusiva della due giorni di summit che ha riunito per la prima volta a Napoli 30 ministri dell’area mediterranea e non solo. La...

Panni stesi nei vicoli, divieto  scongiurato

Panni stesi nei vicoli, divieto scongiurato

Non ci sarà nessuna ordinanza che vieterà i panni stesi. L’annuncio è del sindaco di Napoli, Gaetano Manfredi in risposta al caso della bozza del regolamento di polizia urbana, nel quale, secondo indiscrezioni di stampa, sarebbe stato inserito il divieto di stendere i...

Il Comune a De Laurentiis: “Dia l’esempio e paghi”

Il Comune a De Laurentiis: “Dia l’esempio e paghi”

Il presidente della commissione Sport, Gennaro Esposito invita il patron azzurro a saldare i debiti per lo stadio Gennaro Esposito, presidente della Commissione Sport del Comune, chiede ad Adl di dare l’esempio ai cittadini. Intervistato da Calcio Napoli 24 Live, il...

I luoghi di interesse e i monumenti più belli di Napoli

I luoghi di interesse e i monumenti più belli di Napoli

Fondata nel VI secolo a.C. Napoli vanta una storia particolarmente antica ed è infatti tra le città più antiche del pianeta. Molti dei suoi monumenti storici sono impressionanti e ben conservati, tra cui la Basilica di San Francesco di Paola, il Palazzo Gravina e il...

Lotta ai due killer: il melanoma e l’inquinamento marino

Lotta ai due killer: il melanoma e l’inquinamento marino

Il progetto sarà presentato domani lunedì 6 giugno, alle 17,30, presso The Spark in piazza Borsa. Si tratta di un'iniziativa che si inserisce nella guerra al melanoma - il tumore killer della pelle - e all'inquinamento del mare. E' stata messa a punto da Marevivo e da...

EDITORIALE

L’arte di evadere le regole

di Alessandro Migliaccio

Quando nel 2010 ho pubblicato il mio secondo libro (anche se il primo era solo una raccolta di poesie giovanili) intitolato “Paradossopoli. Napoli e l’arte di evadere le regole”, nutrivo una ferma speranza che qualcosa sarebbe cambiato. Che i napoletani avrebbero, prima o poi, avuto uno sbalzo di dignità e che si sarebbero in qualche modo presi una rivincita nei confronti di quanti, troppo facilmente, puntano il dito contro di loro.

continua a leggere…

Calcio Femminile, Napoli-Sassuolo 0-1 intervista di mister Pistolesi

Fallo di mano di Chiellini ma per Sky non è niente

Troisi: Penso in Napoletano, sogno in Napoletano

Seguici su Facebook

Facebook Pagelike Widget
badando a te